Volleyball inelna a hlawhtling

JJS Trucking Bharatbenz Inter Village Volleyball Tournament 2023 khelh zawh tak chuan mipui ngaihhlut a hlawh hle. Khua leh khua, veng leh veng inelna hi mipa leh hmeichhe team tana buatsaih a ni.

Mipa inelna huangah Khawhai chuan Hunthar Veng lakah 3-1 (12-25, 25-15, 25-13, 25-21) a hnehna changin a vawi khat nan an champion. Best spiker atan Lalhmunmawia (Mapuia), Khawhai thlan niin, best setter atan H. Lalramdinmawia, Khawhai thlan a ni bawk.

Hmeichhe inelna lamah Kolasib Diakkawn chuan Thenzawl 'E' chu 3-1 (25-22, 17-25, 25-22, 25-13) a hnehin an champion bawk. Kolasib Diakkawn hi Inter Village inelnaah hian a zawna vawi thum champion thei awm chhun an ni. Best spiker-ah Lalmuanpuii, Kolasib Diakkawn leh best setter atan Lalrinzuali, Kolasib Diakkawn thlan an ni.