Kerala Blasters an chak

Pathianni zan Indian Super League inkhelah Kerala Blasters chuan 1-0 in Jamshedpur FC an hneh a, Adrian Luna chuan inkhela goal awmchhun hi a khung - Blasters tan match hnih an khelh tawha vawi hnih an chakna a ni a, Jamshedpur erawhin chak an la nei lo thung.

Jamshedpur lamah defender PC Laldinpuia chuan inkhel bul ṭanin, Mizo defender ball pet thiam bik Ricky Lallawmawma chu minute 15-naah bench aṭanga luhtir a ni bawk.

Blasters tan defensive midfielder Freddy Lallawmawma chu bench aṭangin a lut a, ISL-a season hmasa bera match hnih an khelhah a la inlan ve ve - Freddy hian I League club RoundGlass Punjab FC tan season hnih a khel hman a, season hmasa khan a champion pui.

Kerala Blasters-in Freddy-a theihna an lo hmu a, Punjab club aṭang hian an lei chhuak. Tun season-ah ISL-a a season hmasa ber a hmang a, Kerala club-ah hian kum thum chhung khel turin contract a ziak a ni.