Table chung berah Leicester

Championship-ah Leicester City-in Pathianni zan khan Blackburn Rovers 4-1 in an sawp a, match kua aṭanga point 24 hmuin hmahruaitu an ni mek. Season liam ta khan Foxes hi Premier League aṭangin an tlahniam a, player ṭha chhuak zingah James Maddison, Harvey Barnes, Youri Tielemans leh Ayoze Perez te tel mah se Jamie Vardy hoin season bul an ṭan ṭha hle.

Ewood Park-ah Foxes-in minute lina lekah Wout Faes hmangin an khung a, Rovers-in Sammie Szmodics hmangin minute nga hnuah an sut nghal. Mahse, Vardy-a'n first half-ah vek hmahruaina a khung bakah hun tawp dawn hnaiah Kelechi Iheanacho leh Kieran Drewsbury-Hall te hmangin an khung belh.

Championship-ah hian team 24 an awm a, a sang pahnih hi Premier League khel turin an tling nghal. Hmunruak pakhat dang hi playoff hmangin pathumna aṭanga parukna ten an khel ṭhin a ni.