Swiatek chak awlsam

Tennis inelna China Open khelh laiah hmeichhe world number 2 Iga Swiatek chuan Sara Sorribes Tormo chu 6-4, 6-3 a hnehin inelna bul a ṭan fuh viau, set hloh loin a chak tlang thei a ni.

Polish nula Swiatek hi hun rei tak chhung world number 1 a nih hnuin tun hnaiah a tlahniam hret a, season tawp lamah result ṭha nei turin thapui a thawh leh mek - number 1 ni chunga kum tawp khar turin a tan kawng a la inhawng zau hle.

US Open champion Coco Gauff pawh a inlan. American tleirawl hian a match hmasa berah Ekaterina Alexandrova chu straight set hmangin a hneh a, nimin tlai khan match hnihna khel leh nghalin Petra Martic chu 5-7, 7-5, 6-7 a hnehin last 16 a lut.

Gauff-i hi kum 19 mi chauh a la ni a, tunah hian world number 3 niin Grand Slam title pawh a nei fel der tawh. Tunlai player hmabak nei êng berte zinga mi a ni.