Kanan leh Sihphir Venghluna an chak

ADFA First Division inelnaah Kanan FC leh Siphir Venghlun ten semifinal luh ngei tumin an khingpui an hneh. Nimin Lammual inkhelah hian Kanan FC-in table mawngphaha awm Tanhril FC lakah goal difference an siam ṭha thei lo a, 4-2 in an chak hram.

Kanan FC tan Lalthuthlunga'n goal a khung chhunzawm zel a, Serchhip tlangval hi First Division-a player hmuhnawm ber pawl a ni. Sihphir Venghlunin hrem an tawh hnuah an game a nung thar a, match tinin goal an khung tam ṭhin hle.

Niminah pawh Sihphir Venghlun hian an elpui ni thei tura ngaih Ramthar Veng an hmachhawn ṭumin 4-0 ngawtin an sawp a, Malsawmtluanga Pautu-in hattrick a siam. Table aṭanga a lan danin team 10 zing aṭangin a sang pasarih tan semifinal beiseina nung a la awm.