2023 Cricket World Cup : Squad

Khawvela cricket inelna sang ber 2023 ICC Men's Cricket World Cup chu October 5 - November 19, 2023 chhung hian India ramah khelh a ni dawn. September 28, Inrinni thleng khan squad siksawi theih a ni a, tunah erawh squad tih danglam dawn chuan ICC hriatpuina a ngai tawh.

India-in squad puan lailawk aṭangin pakhat an thlak a, spinner Axar Patel inhliam vangin tawnhriat ngah Ravichandran Ashwin dahluh a ni. England pawhin opener Jason Roy chu hliam vangin an chan a, batter Harry Brook tan hun ṭha a inher chhuak.

Australia pawhin spinner Ashton Agar aiah batter Marnus Labuschagne an dahlut. South Africa-a an zin ṭumin Agar hi a inhliam a, kuminah international match a khelh tam loh avangin Australia hian risk an la lo - Labuschagne an ko ta zawk.