West Ham-ah Emenike a lut

Premier League club West Ham chuan Fenerbahce striker Em-manuel Emenike chu season tawp thleng loan-a khel turin an la lut.

Kum 28-a upa striker hian season chawhma lam chu loan-in Al Ain lamah a lo hmang tawh a, UAE club tan hian match 15-a inlanaah goal kua a khung a ni.

Nigeria tana vawi 37 inlan thei striker chuan, "Hammers ka zawm thei hi ka lawmin ka phur tak-zet a ni. West Ham hi club ropui tak a nih thu ka lo hre ṭhin a, an inkhel ka en fo ṭhin an nih avangin he club tana ka khel thei tur hi ka phur hle a ni," a ti.

Emenike hian Fener-bahce tan season hnih chhung match 66 inlanin goal 17 a khung a, Spartak Moscow tana a khelh laiin vawi 51 inlanah goal 24 a khung bawk.