Bundesliga Bayern tan Lewandowski goal hnih a tawk

Robert Lewandowski-a'n goal khung a chawlhsan thei lo. Pathianni zan khan Hoffenheim lakah goal hnih khungin Bayern Munich chu 2-0 in hnehna a chanpui a, league table-ah point riatin hma an hruai fal leh ta.

Poland international hian tun season-ah a club tan inelna hrang hrangah goal 27 a khung tawh a, league bikah goal 18 khung tawhin goal 20 khung thei Borussia Dortmund forward Pierre-Emerick Aubameyang chiah tluk loh a nei mek.

Allianz Arena-a inkhelah hian Hoffenheim tan Andrej Kramaric chuan goal khung theihna hun ṭha a neih a chhawr ṭangkai zo lo a, point an hlawh-chhuah zawh loh avangin table mawng ber dawtah awmin an hnuai chiaha awm Hannover nen point 14 ve ve an hmu mek.

Tun dinhmunah Bayern tlar-hnung luahtu Javi Martinez, Jerome Boateng leh Medhi Bena-tia te chu an hliam vek a, Hof-fen-heim an hneh ṭum hian mid-fielder Xabi Alonso chu tlar--hnungah pawh thlak a ni a, mana-ger Pep Guardiola chuan hliam vanga buaina an neih thu a sawi.

Season tawp ruala Bayern chhuahsan tur Guardiola chuan, "Tunah hian Holger Badstuber chiah hi kan centre back zingah chuan a dam awmchhun a ni. Hliam vangin kan buai mek a, mahse Joshua Kimmich pawh hi a ṭul chuan tlarhnungah a khel thei. A ṭul a nih chuan goalkeeper Manuel Neuer pawh kan khelh tir mai ang," tiin fiamthu a thawh zui bawk.

Hetih mek lai hian Bayern Munich chief executive officer Karl-Heinz Rummenigge chuan thlasik transfer lai chuan player
ṭha lakluh tur an awm loh avangin an tlarhnung thuamchakna tur an zawn loh tur thu a sawi thung.