Chelsea leh City intum dawn

Khawvela football knockout tournament upa ber FA Cup fifth round inkhel tur a hriat theih ta a, Stamford Bridge-ah Guus Hiddink a enkawl Chelsea leh kum 2011 champion Manchester City an inhmachhawn dawn.

A thiam zual 16 te hi February 19-22 khian an inkhel dawn a, champion lai Arsenal leh Hull City chu a zawna a vawi thum nan an inhmachhawn dawn. Team ṭha pahnihte hi kum 2014 final leh nikum third round-ah an lo inhmachhawn tawh bawk a ni.

Manchester United an vannei a, team la dam zinga a nem ber tura ngaih League One club Shrewsbury Town hmachhawn turin New Meadow-ah an leng lut bawk ang.