John Terry-a'n Chelsea a chhuahsan dawn

Chelsea hming sawirik a nih rualin mitthlaah player pakhat a lo lang ṭhin - Chelsea ti Chelsea tu John Terry chuan sea-son tawpa a contract zawh rualin Stamford Bridge a chhuahsan dawn.

Kum 14 leka upa a nih laia Chelsea zawmtu defender hi season tawp rualin a contract a tawp dawn a, London club hian an captain hi contract thar an zawrh tawh lo.

Chelsea tana vawi 696 inlan tawh defender chuan,"He club tana khelh chhunzawm zel hi ka duh a, mahse he club hian kawng dang zawh a thlang zawk si a ni," a ti.

Premier League cham-pion Chelsea hi manager lailawk Guus Hiddink chuan a enkawl mek a, Dutch manager hi season tawp rualin a chhuak nghal dawn.

Kum 35-a upa defender chuan, "Manager thar kan neih hunah contract thar chungchang kan sawi tur thu an sawi a, tun dinhmunah chuan chhuak tawh se min tihna tlukah ka ngai. Kumtina ka lo tih fo ṭhin angin January-ah hi chuan season tawpa ka awmna tur hi hriatchian ka duh a ni," a ti.

Chelsea legend chuan sawi chhunzawmin, "Ka beisei ang tawpna leh in mangṭhana kha a thleng dawn ta lo a, Chelsea-ah football ka chawlhsan dawn lo. He thu pawmthiam tur hian ni tam tak ka mamawh a ni," tiin inkhelh chawlh-san a la tum lo.

Blues tan a khelh chhunga Premier Lea-gue nomawi pali, FA Cup nomawi panga leh Champions League nomawi chawitu defender chuan, "Premier League club dang chu ka zawm thei lo ang. He club hi chu a kal dan ngaiin a kal reng ang a, centre-back ṭha tak tak an la lut ang," a ti.

England defender hian Chelsea tan Premier League match 477 a khel a, Ryan Giggs, Jamie Carragher, Steven Ger-rard leh Paul Scholes-te chiah a aia club mal tana Premier League match khel hnem an awm.

Hetihlai hian Chelsea chuan John Terry chu contract thar an zawrh thuai tur thu an sawi a, an club tana player rinawm tak a nih avangin a phu ang taka zah taka an dawr tur thu an puang.