Mizo zinga AFC 'A' Licence Coach hmasa ber Danny

Aizawl Venglai tlang-val Danny Lalduh-awma chuan Asian Football Confederation 'A' Licence Coaching Certificate Course a zo a, Mizo zinga 'A' Licence coach ni thei hmasa ber a ni. Ani hi FIFA State Development Project-a Mizoram Football Association hnuaia Technical Direc-tor hna thawk mek a ni.

Coaching certificate hi AFC leh All India Foot-ball Federation chuan a ngai pawimawh hle a, I League club-te enkawl tur hian A Licence nei chin chiah rawih theih an ni a, I League Club Youth Development lama an hotu tur pawh hi A Licence coach tal an ni tur a ni. Mizo zingah A Licence Coach an awm ta hi Mizoram Football hmasawn zel-na atan a pawimawh a, chutihrualin AFC A Licence coach chungah hian AFC Pro-Licence coach an la awm avangin Mizote tan hma-sawnna tur a la tam hle.

Tu nge Danny?

Danny hian player a nih laiin kum 2001 khan Mizoram team chu Subroto Cup-ah a champion pui a, hemi ṭum hian top scorer niin LML Adreno FX bike a dawng. A hun laia forward ṭha bik Danny hian Indian Airforce a zawm a, hetah hian kum 2002 aṭanga 2006 thleng a khel. Airforce-a a awm lai hian Santosh Trophy-ah Services aiawhin a khel nual bawk.

Kum 2011-a Chan-mari FC din a nih khan Danny hi coach a ni a, hetih hunlai hian CFC hi third division club an ni. Aizawl Venglai tlangval hian MPL2-ah Dinthar FC a enkawl a, MPL3-ah Bethlehem Vengthlang FC a kaihruai leh bawk.

Danny hi coach a nih angin Sports Council leh SYS-ah a thawk tawh a, nikum Subroto Cup-ah khan Mizoram hmeichhe team a enkawl bawk.