Chelsea-ah Falcao a châm

Radamel Falcao chu tun hma lama a lo ropui tawhna Spa-nish club Atletico Ma-drid-a kir tur anga sawi ni mah se tun season tawp thleng Chelsea-ah loan-in a khel tluan dawn.

French Ligue 1 club Monaco pla-yer Falcao hi season hmasa khan Manchester United tan loan-in a khel a, tun season-ah pawh loan thoin Chelsea a zawm. Mahse, Blues tan hian a che pui lem lo, league-ah vawi khat chiah inkhel bul a ṭan, vawi 15 a inlan aṭangin goal khat chiah a la khung.

Kum 29-a upa Falcao hi a malpui na vangin October 31 hnuah a club tan hian a la inlan leh lo a ni. Chelsea hian thlasik trasfer chhungin Alexandre Pato an lakluh vang leh Diego Costa an la neih bawk avangin Falcao tan khelhna hmun chang tur chuan thawhrim a ngai hle dawn a ni.

Colombia international hian season hnih chhung chu Atletico tan a lo khel tawh a, league match 68 a khelh
aṭangin goal 52 a khung a, 2012 Europa League leh 2013 Copa del Rey-ah te a champion pui bawk.