India U23 probables-ah Mizo pali
South Asian Games-a India team aiawh tur probables squad player 28 puan a ni a, Mizo pali Jeje Lalpekhlua, Lallianzuala Chhangte, Zodingliana Tochhawng leh Jerry Mawi-hmingthanga te koh an ni.
South Asian Games hi February 6 hian Jawaharlal Nehru Stadium, Shillong-ah khelh ṭan a ni ang a, February 15 hian Indira Gandhi Athletic Stadium, Guwahati-ah final khelh a ni ang. Football inelna hi Under 23 inelna a ni a, senior player pathum koh theih a ni.
India U23 team coach Lee Johnson hian senior player pathum a koh zingah Mohun Bagan for-ward Jeje bakah Shillong Lajong defender Aiborlang Khongjee leh Sporting Clube de Goa mid-fielder Rowllin Borges te an tel a, mamawhna a san miau avangin Hnahthial tlangval Jeje-a'n chawlhna hun a nei meuh lo.
Jeje baka Mizo player koh Zodingliana Tochhawng hian inhliam vangin tun season I League-ah Shillong Lajong tan a la inlan lo, ISL-a Delhi Dynamos tana khel Armed Veng midfielder Adinga hi inelna neihna hmun tur Shillong leh Guwahati hrechiangtu a nih avangin inhliam chunga an ko tel hi a mak lo.
Player pahnih dang Lallian-zuala Chhangte leh Jerry Mawi-hmingthanga hi DSK Shivajians Liverpool Academy-a player pawi-mawh an ni. Lunglei rawlthar Lianzuala hian SAFF Cup-a India champion ṭumin a hming a chher a, DSK captain Jerry erawh an veng club Chanmari FC hmangin Mizoram chhungah langsar tawh mah se ram pum huap ang chuan a la lar pha lo.
India squad hi inelna neih dawn meuh chuan player 20-ah tihhniam a ni ang. SAG-ah hian India hi Group A-ah Sri Lanka leh Maldives te nen an awm a, Group B-ah Bangladesh, Nepal leh Bhutan te an awmin a sang pahnihin semifinal an lut ang.
India Team Squad
Goalkeepers (3) : Amrinder Singh, Rehenesh Paramba, Kamaljit Singh.
Defenders (10) : Pritam Kotal, Sandesh Jhingan, Narayan Das, Kaushik Sarkar, Bikramjit Singh, Abhishek Das, Nikhil Poojary, Samad Ali Mallik, Prabir Das, Aiborlang Khongjee.
Midfielders (11) : Sumit Passi, Jayesh Rane, Pronoy Halder, Amoes Thiruvanathanadhah, Lallianzuala Chhangte, Germanpreet Singh, Jerry Mawihmingthanga, Zodingliana Tochhawng, Rowlin Borges, Vinit Rai.
Forwards (5) : Halicharan Narzary, T. Haokip, Salam Ranjan Singh, Udanta Singh, Jeje Lalpekhlua.
Head Coach : Lee Johnson