Wilshere-a'n Euro 2016 a khelh beisei

Arsenal manager Arsene Wenger chuan a midfielder Jack Wil-shere chu hliam vangin la inkhel thei rih lo mah se June thla aṭanga khelh tur European championship 2016-ah chuan England ram aiawha a inlan theih ngei a beisei thu a sawi.

England international Wilshere hi hliam vangin tun season-ah Gunners tan a la inlan lo a, March thla laihawl velah chuan inkhel thei tawh tura beisei a ni chauh.

A player chungchang sawiin Wenger chuan, "Roy Hodgson nen pawh inbiakna kan nei tawh a, Jack hi tun aṭanga kar lina velah a lo kir leh tawh ang. Tunah hian hmalam a pan ve zel a, Euro-ah chuan a inlan theih beisei a ni," a ti.

Hodgson hian a player pawi-mawh dang Danny Welbeck leh Daniel Sturridge te chu hliam vang-in a chhawr thei lo mek bawk. England hian an match hmasa berah June 11 khian Russia an hmachhawn dawn a ni.