Olympic-ah Messi inlan dawn lo

Lionel Messi chu kumin August thla a neih tur Rio Olympic-ah a inlan ve loh tur thu Argentina coach Gerardo Martino-a'n a sawi.

Olympic-a football inelnaah hian Under 23 team-ah kum 23 chung lam player pathum hruai tel theih a ni a, mahse Barcelona thiampuipa hian Rio de Janeiro a pan ve dawn lo.

Argentina captain Messi hian kum 2008 Beijing Olympic-ah khan an ram chu a lo champion pui tawh a, match nga a khelh aṭangin goal hnih a thun nghe nghe. Amaerawhchu Olympic hnuhnung ber 2012 London-ah khan an ram hi an qualify lo thung a ni.

Kum 53-a upa Martino chuan, "Kuminah inkhelh hmabak kan ngah em em a, Olympic leh Copa America bakah World Cup qualifier kan khelh a ngai dawn. Hengahte hian hlawhtlinna kan chan duh avangin player ṭha ṭhen-khat chu kan chawlh tir a ngai. Barcelona hian team dang aiin season an hman rei ṭhin bik avangin Leo hian chawlh a mamawh
ṭhin," tiin a sawi.

Tun dinhmuna khaw--vela international football tournament upa ber Copa America chu kuminah hian kum 100 a tling chiah a, June 3-26 chhung khian US-ah Centennial Copa America tournament hi khelh a ni dawn. South America (CONMEBOL) aṭangin ram 10 leh CON-CACAF aṭangin ram pa-rukte an inel dawn a ni.