An ramah Mathieu Debuchy a kir

Arsenal defender Mathieu Debuchy chuan tunhma lama hun a lo hman tawhna French Ligue 1 a khel leh dawn a, mahse tun ṭumah chuan a club hlui Lille-ah ni loin Bordeaux-ah tun season tawp thleng cham turin loan-in a kal ta zawk a ni.

France international hian kum 2014 khan Newcastle United aṭangin pound maktaduai 12-in Gunners hi a zawm a, tun season-ah hliam vanga buai vang leh manager Arsene Wenger-a'n Hector Bellerin a duh zawk avangin vawi sarih chiah a la inkhel a, November thla hnuah a club tan hian a la inlan leh lo.

Arsenal chuan thu-chhauh siamin, "Kan club chuan Mathieu hi duh-sakna kan hlan a, in-khelh tam a duh avangin Bor-deaux hi a pan a ni," an ti.

Kum 30-a upa De-buchy hi France tan vawi 27 a lo inlan ve tawh a, kuminah an ramin European Championship an thlen dawn avangin ram aiawha a inlan theih ngei nan inkhelh tam theihna hmun tur nia a ngaih a pan hi a mak hran lo.