Yaya Toure a chhuak ang - agent

Pep Guardiola-a'n season tharah Manchester City a enkawl dawn tih thu a chian rualin midfielder Yaya Toure dinhmun a nghing nghal a, Ivory Coast international hian nipui transfer hunah an club a chhuahsan a rin thu a agent chuan a sawi.

Spanish manager Guardiola hian kum 2010 khan Barcelona aṭangin Toure hi Etihad Stadium-ah pound maktaduai 14-in a lo hralh tawh a ni.

Toure-a agent Dimitry Seluk chuan, "Nipui transfer hunah chuan Yaya hian City a chhuahsan ka ring, mahse a chhuah hmain Premier League title bakah inelna hrang hrangah champion ngei a duh ang," a ti.

Kum 32-a upa Toure hi Guar-diola tel loin England-a champion theihnaah chuan a champion kim vek tawh a ni. A kum tam deuh tawh mah se Chinese Super League side Shanghai SIPG leh Italian club Inter Milan te chuan midfielder tharum ngah hi an duh nia sawi nghal a ni bawk.