Chelsea-ah Terry a cham mai thei

Tun hnaiah Chelsea captain John Terry-a'n season tawp ruala a chhuah tur thu sawi mah se Blues manager lailawk Guus Hiddink chuan England defender hi Stamfrod Bridge-ah a cham chhunzawm zel a rin thu a sawi.

Kum 35-a upa Terry hian Pathianni khan Chelsea-in contract thar an zawrh loh avanga London club hi a chhuahsan tur thu a lo sawi tawh a, season tawp ruala a contract tawp tur chu Blues hian pawhsei sak an tum lo niin a sawi a ni.

Mahse Hiddink chuan, "Chelsea chuan Terry hi an la dawr dawn a ni, a tan kawng a inhawng reng a, thutlukna engmah siam a la ni lo," tiin Terry dinhmun a la chian loh thu a sawi.

Chelsea a chhuahsan huna Premier League club dang tana inlan a tum loh thu sawitu Terry hi club hrang hrang nen sawizawm a ni leh der tawh. Chelsea legend Gianfranco Zola enkawl Qatar club Al Arabi chuan an duh nia sawi a ni a, Major League Soccer lamah a ṭhianpa Frank Lampard a zawm dawn niin an sawi bawk a, Chinese Super League club pakhat chuan kum khata pound maktaduai 20 hlawh tura sawm an tum ni hiala sawi a ni bawk.