Argentina-ah Rafael Nadal

Rafael Nadal chuan season bul ṭan fuh lo mah se insiam ṭhat nghal theihna tur a nih beiseiin karleha khelh tur Argentina Open-ah inlan a tum.

ATP World Tour 250 clay-court tournament-ah hian Nadal bakah player langsar dang David Ferrer, Jo-Wilfried Tsonga leh 12 John Isner te pawh an inlan dawn a ni.

Kum 29-a upa Nadal chuan, "Argentina Open buatsaihtute chungah ka lawm em em a, Australian Open-a ka khelh chhiat hnuah he inelnna ka tel ve theihna tur min pek phal avangin ka lawm hle a ni. Champion ngei tumin ka theihna zawng zawngin ka inkhel ang," a ti.

Nikum khan world number 5 Nadal hian final-ah Juan Monaco hnehin he hmunah hian hlawhtlinna a lo chang tawh a ni.