Martinez-a'n Juve hmachhawn dawn lo

Bundesliga champion Bayern Munich chuan tlarhnung lamah player duhthlan tur an nei tlem ta hle, defensive midfielder leh central defender a khel kawp thei Javi Martinez chu Thawhlehni khan a khup zai a nih avangin kar li chhung a inkhel thei dawn lo.

Spanish international hi hliamin a ti buai ve thei hle a, kum 2014 August thlaa a hliam kha nikum September thla khan a inkhel thei ve leh ṭan chauh a, tunah hliamin a ti buai leh ta a ni. Italian champion Juventus nen February 23-a Turin-a Champions League last 16 an khelh hunah a inlan ve hman dawn lo a ni.

Kum 27-a upa Martinez hian tun season-ah a club tan inelna hrang hrangah match 18 a khel tawh.

Tun dinhmunah Bayern thlar­hnung kulhpui Jerome Boateng leh Medhi Benatia te chu hliam vangin an inkhel thei lo mek bawk a ni.