Match khat chhung Mancini an hrem

Inter Milan boss Roberto Mancini chu Milan derby-a an tlawm ṭuma a nungchang mawi lo vangin hrem a ni a, match khat chhung a naute inkhel a kaihruai thei lo ang.

Kum 51-a upa mana­ger Mancini hian Milan goalkeeper Gianluigi Donnarumma-a'n Inter striker Eder a tihtluk vangin penalty a beisei a, referee-in a duh ang a tih hlawhtling sak tak loh vanga lungawi lo a ni.

Manchester City mana­ger hlui hian nizana Chievo an hmachhawnna inkhelah a naute a kaihruai lo a, £3,782 (Rs 3,69,963.34) chawitir a ni bawk.

Milan laka 3-0 a an tlawmna inkhelah hian Mancini hi khelmual chhunga awm thei lo turin hnawhchhuah a lo ni tawh a, Serie A disciplinary tribunal chuan Italian manager hian mawi lo taka fourth official a ṭawngkhum bakah mipui hmuh laiin mawi lo takin a che niin an sawi a ni.