Roma tan El Shaarawy a inlar leh ta

Stephan El Shaarawy chuan a club thar tan goal a khung leh ta, thlasiak transfer laia Roma zawmtu hian Thawhlehni zan khan Sassuolo lakah goal a khung a, a club hi 2-0 in hnehna a chanpui.

Sassuolo khelmual Mapei Stadium-a inkhelah Roma tan Egypt winger Mohamed Salah chuan goal hmahruai a khung a, El Shaarawy chuan an chak nemnghehna goal a khung bawk.

Chelsea player hlui Salah hian nikum October thla hnuah league goal a khung leh chiah a, a team chu Serie A table-ah palina dinhmunah a hruai chho a ni.

Kar tawp inkhela Frosinone an hneh ṭuma goal khung tawh bawk Italian forward El Shaarawy chuan, "Coach-in min rintawk vangin inkhelhna hmun ka chang a, a duh ang ngeiin ka khel chhuah ve ka beisei. Point thum kan hlawhchhuah theih chhunzawm zel ka beisei," a ti.