UCL-ah Real ka champion pui leh thei ang - Bosque

Spain manager Vicente del Bosque chuan Real Madird enkawl leh ta se chuan Champions League nomawi a chawipui leh theih a rin thu a sawi.

Kum 65-a upa Del Bosque hian kum 1999-2003 inkara Real Madrid a enkawl laiin khawvela player langsar rual Zinedine Zidane, Luis Figo, Ronaldo, Roberto Carlos leh Raul te kawl khawm chungin Champions League nomawi pahnih a chawi bakah La Liga title (2001 leh 2003), UEFA Super Cup-ah te a champion bawk.

Spain national team coach Del Bosque chuan, "Champions League nomawi chawi hi a harsa a, vanneih a ngaih bakah club leh player ṭha neih a ngai. Amaherawhchu, kei chuan Real Madrid hi enkawl leh thei ila chuan ka hlawhtlin pui leh theih ka beisei," a ti.

Del Bosque hi Spanish manager zingah chuan a hlawhlting berte zinga mi a ni a, kum 2010 khan Spain chu a vawi khat nan FIFA World Cup-ah a champion pui a, kum 2012 khan European Championship-ah hlawhltinna a chan pui bawk.