Hazard a hmalam hun a chiang lo

Chelsea manager Guus Hiddink chuan tun season-a beisei phak lo Eden Hazard chu season tharah Stamford Bridge-a a cham chhunzawm dawn leh dawn loh a hriat loh thu a sawi.

Real Madrid nena sawi­zawm hlawh mek Hazard chungchang hi sawi chhuakin Hiddink chuan, "Hazard chungchang hi ka kutah niloin club kutah a awm. Eden-a hnena ka sawi erawh chu Chelsea-a a cham zel chuan an player ropui ber pawl a ni thei ang. Mahse, nipui transfer-a a chhuah hi a rinawm hle a ni," a ti.

Dutch manager chuan sawi chhunzawmin, "Chelsea tan player hlu leh pawimawh tak ni mah se tun hnaiah hliam vangin ngai a la awh thei lo a ni," tiin Belgium international chuan season hmasa a phak loh thu a sawi bawk.