Chinese Super League-ah Teixeira a kal mai thei

January transfer-a Liverpool-in lakluh tuma an hel Alex Teixeira chu Chinese Super League club Jiangsu Suning nen sawizawm lehnghal an ni.

Kum 26-a upa Brazilian midfielder hi Liverpool chuan pound maktaduai 27-in an dawr a, mahse Shakhtar hian an player man hi a tira pound maktaduai 38 an phut aṭangin pound maktaduai 50-ah an tisang leh a ni.

Liverpool lam hian nipuiah Shakhtar hi dawr nawn leh an tum nia sawi ni mah se Chinese club Jiangsu Suning hian euro maktaduai 50-a lakluh tumin Ukrainian club hi an dawr niin khawthlang media-te chuan an tarlang.

Jiangsu Suning hian Chelsea aṭangin Ramires chu pound maktaduai 25-a an lakluh tawh avangin Teixeira leina tur sum pawh hi an nei ang tih a chiang a, Brazilian midfielder hian China lam a hawi a nih pawhin a mak lo ang.