De Jong-a'n LA Galaxy a pan

Manchester City leh AC Milan midfielder hlui Nigel de Jong chuan Steven Gerrard leh Ashley Cole te khelhna Major League Soc-cer club LA Galaxy a pan.

Netherlands interna-tional De Jong hi a khelh mekna Milan nen kum thum leh a chanve an inchenchilh hnuah kar hmasa khan a contract tih tawp sak a ni.

Kum 31-a upa De Jong hian Man City tan a khelh laiin Premier League match 104 a khel a, kum 2012 khan nomawi a lo chawi nghe nghe.

Netherlands tan pawh match 80 lai khelin FIFA 2010 World Cup final Spain nen an khelh ṭuma midfielder Xabi Alonso awma a tlawh ṭuma an hrem lo chu a lar phah hle.

Galaxy head coach Bruce Arena chuan, "A theihna leh thiamna te khelmual chhungah lan tir theihna hun a nei leh dawn a, he hi kan team chuan kan hlawkpui ang," a ti.

Major League Soccer hi March thla aṭanga khelh ṭan leh tur a ni ang.