Del Potro a lo kir hnai

World number 4 pawh lo ni tawh Juan Martin del Potro chu a banrek na vanga kum khat dawn a inkhelh theih loh hnua tennis court-ah kan hmu leh dawn ta. Argentine thiampuipa hian February 15 aṭanga khelh tur Delray Beach Open-ah inlan a tum a ni.

Kum 27-a upa Del Potro hi ban rek na vangin a buai ngun hle a, kum 2010 hnu lam-ah pawh vawi thum ngawt zai a ni tawh. An zai hnuhnun ber chu 2015 June thla kha a ni a, nikum March thlaa Miami Open a khelh hnu-ah a la inkhel leh lo a ni.

Del Potro hian ATP tour title 18 a la tawh a, kum 2009 US Open final-ah Roger Federer hnehin a champion nghe nghe.

Delray Beach Open tournament director Mark Baron chuan, "Kan tournament rawn khel tur hian Juan Martin hi kan lo beisei reng ṭhin a, kan duh angin thil a kaltluang rih e. He hmun aṭang hian ṭha takin tennis a khelh chhuah leh theih kan duhsak bawk," a ti.