Ligue 1-ah PSG-in record siam leh ta

Edinson Cavani, Zlatan Ibra-himo-vic leh Layvin Kurzawa te goal khung hmangin Paris Saint-Germain chuan Nilaini zan khan Parc des Princes-ah Lorient chu 3-1 in an sawp a, Ligue 1-ah a zawnin match 33 chhung an tlawm tawh lo. French league-ah tun hmain hetianga khel
ṭha tluang hi an la awm ngai lo.

Manager Laurent Blanc-a'n a vawi 100-na atan a team a kaihhruai a, PSG manager ṭang tawh zingah chak record nei ṭha ber (72%) a ni. Tun season league match 24 khelh tawh aṭangin point 66 a hlawhchhuah pui tawh a, anmahni hnaih bertu Monaco nen an inthlauhna hi point 24 zet a nih tawh avangin an champion chiang tawhah a ngaih theih.

Club ṭha ṭhin, tun season-a beisei phak lo Lyon pawhin Bor-deaux lakah 3-0 in hnehna an chang ve a, table-ah pakuana dinhmun an rawn luah ve leh tawh.