Insiamṭhat duh Arsene Wenger

Arsenal manager Arsene Wenger chu tunlaia a naute khelh danah a mangang deuh niin a lang a, an mangchhia aṭanga ṭhanharh a duh thu a sawi.

Gunners hi Janaury thla tir kha chuan Premier League champion tura rinkai an ni a, tunah chuan table-ah palina dinhmun an luah ṭawk. Hmahruaitu Leicester chu point ngain an phak lo a, an hnuai chiaha awm Manchester United nen point ngain an inthlau mek.

Arsenal hian league match an khelh hnuhnung paliah chakni hmel an la hmu lo a, vawi thumah phei chuan goal an khung lo hial. Attacking game khel ṭhin club tan chuan hei hi record ṭha a ni lo.

French manager Wenger chuan, "January thla kha kan hmang chhe tak zet a ni. Liverpool leh Stoke lakah point thum kan hlawh chhuak zo lo a, Chelsea lakah player 10-a kan khelh a ngai bawk. Southampton lakah goal khung theihna hun vawi 10 zet hmu mah ila kan chhawr ṭangkai thei lo bawk, kan result ṭha lo hi chu kan kal san a hun tawh a ni," tiin a sawi.

North London club hian tun hnai season hnih chhungin FA Cup-ah hlawhltinna chang mah se kum 2003-04 season hnuah league title an la leh miah lo a ni.