Federer khup an zai

World number 2 Roger Federer chu a khup zai a ni a, thla khat chhung vel tennis court-ah a hmel kan hmu thei dawn lo.

Kum 34-a upa Federer hi Australian Open semi-final-a world number 1 Novak Djokovic a hneh loh ṭum khan a inti na a ni. Grand Slam vawi 17 champion tawh hi an ram Switzerland-ah zai a ni a, zai a nih avang hian World Tennis Tournament Rotterdam leh Dubai Championship te a khel thei dawn lo.

Swiss thiampuipa hi Dubai Championship-ah hian champion lai a ni a, Rotterdam-ah pawh hian vawi hnih a lo champion tawh bawk.

Federer hian kum 2012-a Wimbledon title a lak hnuah ma-jor tournament-ah hlawh-tlinna la chang leh lo mah se a la beidawng lo a, khawvela a ṭha berte zinga mi a la ni reng a ni.

Federer chuan, "Ka doctor chuan min zai hlawhtling niin a sawi a, ṭha taka ka inenkawl tluan theih chuan reilote chhungin inkhel turin ka lo kir leh ang," a ti.

March 7 aṭang khian Masters 1000 event Indian Wells, California-ah neih a ni leh dawn a, he hunah hi chuan a lo kir hman beisei a ni.