Asian Games Gold medal 16 la tawhtu India

India chuan Asian Games neih tawh china gold medal a lak hnem ber chu a nih rual ta, nimin tlai thleng khan gold medal 16 a la tawh a, inelna ṭum khata pakhatna a nih tam ber ṭum a tawng.

Thal kah (mixed team archery) huangah India tan Jyothi Surekha Vennam-a leh Ojas Pravin Deotale-i te chuan gold medal an la a, thal kah huangah bik chuan India tan Asian Games gold medal hmasa ber a ni hial.

Jyothi-a leh Ojas-i te hi mimal inelna lamah pawh an inlan a, final round thleng tawhin vawiin hian an inlan ang. India player-te an chesual hle a nih loh chuan Asian Games bika gold medal lak hnem record an siam theih a rinawm.

Nimin tlai thleng khan inelna thlengtu China chuan gold medal 164 an la tawh a, medal an lak belhkhawm chu 300 a tling tawh. China hnuaiah hian Japan, South Korea leh India te an awm.