Carlos Alcaraz hnehtu Jannik Sinner

Carlos Alcaraz chuan China Open final a lut phak ta lo, semifinal inkhel hmuhnawm takah Jannik Sinner chuan Spanish tlangval hi 7-6 (7-4), 6-1 a hnehin final a inhlangkai.

Sinner leh Alcaraz hi an inkhel tawk thei hle, tunah chuan vawi sarih an intawn tawhnaah Sinner hi vawi li chakin record a nei ṭha ta zawk a ni. Kum 22 mi Sinner hian nizan khan final-ah Daniil Medvedev a hmachhawn leh nghal a, result erawh kan hre hman ta lo.

Semifinal lehlamah Medvedev chuan Alexander Zverev 6-4, 6-3 in a hneh thung. Final-a a hmachhawn tak Sinner nen an intawn hnuhnung parukah Medvedev hi a chak vek a, a tan nomawi beiseina a sang bik ngei ang.