Jamshedpur khelmualah Hyderabad an leng dawn

Indian Super League-ah Thawhlehni zan khan match a awm lo a, nizan khan Bengaluru leh East Bengal intawng mah se result kan hre hman lo thung - zanin dar 8:00 hian Jamshedpur-in Hyderabad an mikhual ang.

Jamshedpur hian tun season-a match hnih an khelh tawhah point khat chiah la hmuin, beisei an phak lo a, Hyderabad-in match khat chiah la khelin, East Bengal lakah 2-1 in an tlawm bawk - zaninah team pahnihin insiamṭhat nan chak an tum dawn.

Mualneitu Jamshedpur hian Mizo defender pahnih Ricky Lallawmawma leh PC Laldinpuia te an kawl a, Hyderabad-ah midfielder pathum Lalchhanhima Sailo, Mark Zothanpuia leh Ramhlunchhunga te an awm thung.