Brighton sawptu Villa inlan hun

Aston Villa-in Premier League-ah Brighton & Hove Albion 6-1 zetin an sawp a, zanin dar 12:30 hian UEFA Conference League-ah Zrinjski an mikhual dawn. Zrinjski hi Bosnia and Herzegovina club a ni a, Villa hian match hmasa bera Legia Warszawa an hneh loh avangin chak an mamawh tawh hle.

Unai Emery hoten season bul an ṭan ṭha a, Premier League-ah pawh match sarih aṭanga point 15 hmuin panganaah an awm mek. Villa chanchina sawi hmaih thiang lo chu Manchester United sawptu Brighton 6-0 zeta an sawp hi a ni.

Villa striker Ollie Watkins-a'n tun season-ah goal sarih a khung tawh a; Douglas Luiz, Jhon Duran leh Leon Bailey ten goal li ṭheuh an khung tawh bawk. Conference League-ah Villa hian point an la hmuh loh avangin chak an mamawh a, mahse an khingpui tur Zrinjski hi AZ Alkmaar hnehtu an nih avangin awlsam taka chak a har ang.