Man United-in thil thlen dan chhui dawn

Manchester United-in Galatasaray lakah khan khelmualah an mualpho ringawt lo a, 3-2 a an chak loh bakah English club ṭantute ṭhutna turah Turkish club ṭantute an ṭhu bawk.

United fan ṭhutna tura ṭhu Galatasary fan-te kha mi 1000 an tling pha a, Turkish club ṭantuten ticket an neih dan hi Red Devils-in an chhui chiang ang.

UEFA danah chuan mikhual team tan hian 5% tal dah tur a ni a; amaherawhchu Galatasary ṭantute hi Sir Alex Ferguson Stand leh Bobby Charlton Stand-ah te awm tel.

United ṭantute ṭhutna tura Turkish club ṭantu ṭhahnem tak awm theih chhan chi hnih awma ngaih a ni. Pakhatna chu ticket hralh chhawng leh tute vanga ngaih a ni a, a dang leh chu UK-a awm Galatasary ṭantute vangah an ngai. UK-ah hian Turkish mi ṭhahnem tak an awm a, anni hian UK-a an 'address' hmangin 'home ticket' hi an leiah an ngai a ni.