Celtic an tlawm leh ta

Champions League-ah Celtic-in point an hlawh chhuak dawn emaw an inti a, mahse, Lazio lakah 2-1 a tlawmin match hnih an khelhah an la tlawm ve ve - Lazio lakah hian hun pek belhah goal an chhuah a, an ui vawng vawng ang.

Celtic Park-a inkhelah mualneitu team tan Kyogo Furuhashi chuan minute 12-naah goal hmahruai a khung a, Japanese striker-in Champions League-a goal a khung hmasak ber a ni.

Mahse, Lazio tan Vecino chuan minute 29-naah si phurh a sut a, goal dang a lut lo reng. Team pahnih hi point insemin an ṭin mai dawn niin a lang hman a, mahse, hun pek belh minute nganaah Pedro chuan Lazio tan a khung a, Celtic tan thawhlehna hun a awm tawh lo.

Celtic boss Brendan Rodgers chuan, "Hrehawm kan ti takzet. Khatianga goal chhuah kha chu thil hrehawm tak a ni a, mahse, zir tur min petu a ni. Game-ah chuan ball kan vawng him tur a ni a, khatiang hunah kha chuan kan tlawm tur a ni lo.

"Ka player-ten an theihna zawng zawng an hlan a, an rilru a paukhauh a, engkim an hlan. Players leh fan te ka tawrhpui takzet - engemaw tal kan phua ka hriat avangin a tlawm zawk nih chu hrehawm ka ti. Mahse, kan en let leh ang a, kan inzir zel ang," a ti.

Celtic hi Champions League-ah kum 10 zet chu mahni mualah an chak zo lo tawh - match hmasa zawkah Feyenoord chu 2-0 in an ngam lo tawh a, Scottish Premiership lamah erawh hma an hruai mek.