Hmahruaitu Bengaluru hmaah Sporting Goa

Zanin dar 7:05 hian Bengaluru FC leh Sporting Goa te Sree Kanteerava Stadium-ah an inkhel dawn a, Ten Action-ah pekchhuah tur a ni. 2014 champion hian RG Stadium-a Aizawl FC an hneh ṭumin Mizo goalkeeper Lal-thuammawia chu hero of the match a thlan a ni a, amaherawhchu Champhai keeper hi Mumbai FC an hneh loh ṭumin a chesual a, East Bengal an hneh ṭumin Amrinder Singh chu Bengaluru tan a vawi khatna atan a inlan a, hero of the match-ah thlan a ni.

Pune FC keeper hlui Amrinder hi South Asian Games khel turin India U23-ah koh ni mah se Bengaluru hotuten an ko let a, Sporting Goa hmachhawn turin Punjabi keeper nge lut dawn Mizo keeper tih a chiang lo, a chiang chin erawh keeper pahnih hi inhliam vangin 100% in an fit lo ve ve.

Mizo player dang midfielder Malsawmzuala leh defender Lalchhuan-mawia te erawh Benga-luru FC-ah hmun pawi-mawh an chang chho a, champion ṭuma player pawimawh Beikhokhei Beingaichho erawhin khelhna hmun a chang meuh lo.

I League inkhel dang-ah Pathianni zan hian DSK Shivajians leh Mum-bai FC te an inkhel ang a, DSK defender Lalhma-ngaihsanga Ralte chu Mo-hun Bagan an hma-chhawn ṭuma red card a hmuh avangin a khel thei dawn lo.