India chet ṭhat ber ṭum a thleng

Asian Games bikah India chuan medal a lak hnem ber ṭum a tawng. China khawpui pakhat Hangzhou-a inelna neihah India hian gold medal 28, silver medal 38 leh bronze medal 41 a vaiin medal 107 a la a ni.

India hian inelna hmachhawn turin infiammi 661 a tirchhuak a, tun hma lama a chet ṭhat ber chu Jakarta-a neih Asian Games 2018 kha niin, hemi ṭum hian medal 70 an la, tun ṭuma an hmasawnna hi 52.8% a tling hial.

Inelna thlengtu leh a cheṭha ber ni bawk China a sang fal hle, a pumpuiah medal 383 tehmeuh an la - gold medal an lak ringawt pawh 201 a thling. China hi chu khawvel huap pawha a ṭha berte zinga mi an nih phak avangin Asia khawmualpui inelna huanga an che ṭha hi a mak lo.