India tan Avid-a hattrick a tawk lo

AFC Futsal Asian Cup Qualifiers chu Inrinni khan Dushanbe Indoor Hall, Thailand-ah khelh a ni a, India tan Mizo tlangval David Laltlansanga'n hattrick siam mah se Tajikistan lakah 6-3 in an tlawm.

India-in AFC Futsal Asian Cup a khelh hmasak berah Mizo tlangval pathum George MS Dawngliana, Lalsangkima leh Avida ten inkhel bul an ṭan a, bench-ah K Roluahpuia (K. Mama) a awm ve bawk.

First half-ah India an che ṭha a, tualchhung futsal-a goal khung thei bik Avida'n inelna sanga a theihna a lantir avangin team ṭha zawk Tajikistan nen first half-ah 3-3 a ni. Amaherawhchu second half-ah ṭantu leh tawnhriat nei ṭha zawk Tajikistan-in goal thum an khung belh a, India-in an khung ve tawh lo.

Vawiin tlai dar 4:30 hian India-in a ṭhenawm Myanmar an hmachhawn ang a; October 11, Nilaini tlai dar 4:30-ah Palestine nen match hnuhnung ber an khel ang.