Sevilla-in Mendilibar an ban

Sevilla-in tun season La Liga match riat an khelh tawhah vawi hnih chauh hnehna an la chang a, Pathianni khan head coach Jose Luis Mendilibar an ban.

Kum 62 mi Mendilibar hi kumin March thlaa lakluh kha a ni a, tla thei dinhmun aṭanga a chhanhim bakah Europa League-ah a champion pui bawk.

Nomawi an chawi theih nan Sevilla hian Manchester United leh Juventus te an hneh a, final-ah Jose Mourinho enkawl Roma an hneh leh bawk.

Inrinni khan Sevilla hi an mualah Rayo Vallecano nen an inhnehthawk a, match riatah point riat an hmu lo. Champions League lamah Sevilla hian chak an la nei lo a, chutihrualin match hnih khelh tawhah Lens leh PSV Eindhoven nen an inhnehtawk.

International break zawhah Sevilla-in Real Madrid an mikhual dawn a, Champions League-ah Arsenal an hmachhawn lehnghal bawk ang. Spanish club hian hun thawl ṭha awm lai hian coach Mendilibar ban turin thutlukna an siam ta a ni.