PSG an chak

Paris Saint Germain chuan Champions League lama Newcastle United an ngam loh hnuah Ligue 1 an khel zui a, an boruak siam thar leh nan an mikhualna ramah Rennes chu 3-1 in an hneh.

PSG tan hian Vitinha, Achraf Hakimi leh Randal Kolo Muani ten goal khat ṭheuh an khung. Rennes goal neih chhun hi Amine Gouiri khung a ni thung a, team ṭha lakah tun season chhunga a vawi hnih nan an chak lo.

Paris club manager Luis Enrique chuan, "Rennes khelmual boruak hi a danglam hle a, tun ṭumah pawh khan chesual thei dinhmunah kan ding. Vitinha-a'n goal a rawn khung chinah erawh thil a danglam phah ta hlauh," a ti.

Spanish manager Enrique hian beisei angin PSG hi a chet ṭhat pui pup pup rih lo. UCL-ah an mualpho a ni satliah lo a, league table-ah pawh pathumna an ni mek, an chungah AS Monaco leh Nice ta an awm - an in thlauhna erawh point hnih chauh a ni thung.