Antony tan hmun awm lo chhunzawm

Manchester United forward Antony chu club tan inkhel thei leh tawh mah se, an ram Brazil chuan World Cup qualifier khel tur player a koh zingah a la tel lo. A bialnu nen khelmual pawn lama buaina an neih vangin an ram squad aṭang hian paih a lo ni tawh a ni.

Antony tel lo mah se Brazil tan hian buaina a awm lo tura ngaih a ni. Tlarhma lama khel turin Neymar an nei a, ani hian Brazil tan match 126 aṭangin goal 79 a khungsak tawh a, an ram tana goal khung tam lamah Pele khumin a chungnung berah a awm.

Neymar bakah hian Real Madrid forward Viniciur Jr leh Rodrygo te an awm a, Barcelona hmatawng Raphinha bakah Arsenal rinrawl Gabriel Jesus an la nei cheu bawk, coach Fernando Diniz tan duhthlan tur an tam tawk.

Brazil hian October 13, Zirtawpni zingah Venezuela an mikhual dawn, chumi hnuah world champion hmasa ber Uruguay tlawh turin an zin chhuak dawn a ni.

Brazil Squad:

Goalkeepers: Alisson (Liverpool), Ederson (Manchester City), Lucas Perri (Botafogo).

Defenders: Gabriel Magalhaes (Arsenal), Bremer (Juventus), Marquinhos (PSG), Nino (Fluminense), Danilo (Juventus), Vanderson (AS Monaco), Caio Henrique (AS Monaco), Renan Lodi (Marseille).

Midfielders: Andre (Fluminense), Bruno Guimaraes (Newcastle United), Casemiro (Manchester United), Gerson (Flamengo), Raphael Veiga (Palmeiras)

Forwards: Gabriel Jesus (Arsenal), Raphinha (Barcelona), Matheus Cunha (Wolves), Neymar Jr. (Al-Hilal), Rodrygo (Real Madrid), Richarlison (Tottenham Hotspur), Viniciur Jr. (Real Madrid).