Ronaldo-a'n chawlh mai a la tum lo

Cristiano Ronaldo chuan football chawlhsan mai a la tum lo, kum 38 mi ni tawh mah se Al-Nassr tana contract ziah belh a duh a, hei mai bakah hian Portugal tan pawh inlan zel a la tum.

Ronaldo hian ram tana match 201 khelin goal 123 a khungsak tawh a, kum 2016 Euro khan an champion. Europe khawmualpui inelna bikah champion tawh mah se, khawvel huap inelna World Cup-ah erawh a la hlawhtling lo.

Portugal captain Ronaldo chuan, "World Cup champion tawh pawh ni ila inkhelh ka chawlhsan phah chuang lo ang. Mi ṭhenkhatin min ngaina a, mi ṭhenkhat chuan min ngaina lem lo, hei chu hringnun kalphung pangngai a ni ve bawk.

"Hun rei tak atan thil sawi lawk vak theih a ni lo a, chutihrualin kum khat atan zel theihtawp chhuah ila, a bak chu hunin a hril zel ang," a ti. Nakkum maia khelh tur Euro chu a tournament ngainat a nih thu a sawi bawk a ni.

Euro 2024 qualifier khelh laiah Portugal hi group J-ah awmin, match vawi ruk an khelh tawh chinah an la chak fai vek. Roberto Martinez-a naute hian Zirtawpni zanlai hian Slovakia an mikhual ang.

Portugal Squad:

Goalkeepers: Diogo Costa (Porto), Jose Sa (Wolves), Rui Patricio (Roma).

Defenders: Diogo Dalot (Manchester United), Joao Cancelo (Barcelona), Nelson Semedo (Wolves), Raphael Guerreiro (Bayern Munich), Antonio Silva (Benfica), Danilo Pereira (Paris Saint-Germain), Doncalo Inacio (Sporting CP), Ruben Dias (Mancester City), Toti Gomes (Wolves).

Midfielders: Joao Palhinha (Fulham), Joao Neves (Benfica), Ruben Neves (Al Hilal), Bruno Fernandes (Manchester United), Otavio (Al Nassr), Vitinha (Paris Saint-Germain).

Forwards: Bernardo Silva (Manchester City), Diogo Jota (Liverpool), Joao Felix (Barcelona), Pedro Neto (Wolves), Rafael Leao (AC Milan), Ricardo Horta (Braga), Cristiano Ronaldo (Al Nassr), Goncalo Ramos (Paris Saint-Germain).