BVT leh a umtu Sihphir Venghlun an chak

ADFA First Division-ah Bethlehem Vengthlang chuan nimin khan Ramthar Veng chu 2-1 in an hneh a, table chung berah an kir. BVT hi a tawp thlengin ṭang ṭhin a, nimin inkhelah pawh minute 80-naah 1-1 ni mah se a tawpah 2-1 in an chak.

Sihphir Venghlunin harhtharhna an chang zel a, table mawngphaha awm Tanhril FC chu 7-0 zetin an sawp a, pathumnaah an awm tawh. BVT leh Sihphir Venghlun hi round 8-ah an inkhel dawn a, inkhel pawimawh bik a ni ang.

First Division-ah hian team 10 an awm a, a sang paliin semifinal an lut dawn. Chutihrualin league round-a pakhatna hian MPL playoff an khelh theih nghal dawn avangin league round a pakhatna nih hi a hlu hle.