Match hmasa berah Ostapenko chak lo

Tennis inelna Korea Open khelh laiah, hmeichhe player langsar zinga mi Jelena Ostapenko chu a match hmasa berah a tla nghal. Seeded pahnihna hian tualchhung nula Back Da-yeon chu 3-6, 6-1, 7-6 (4) in a ngam lo.

Da-yeon hi mi hriat hlawh a ni lem lo a, khawvel huap tournament-ah phei chuan a vawi thum inlanna chauh niin, heng a inelna hmachhawnte pawh hi Korea Open vek a ni, ram dangah inelna lian a la hmachhawn ngai lo tihna a ni.

Ostapenko bakah hian seeded pangana Sofia Kenin pawh a chak lo, ani pawh hi tualchhung player world number 162 Jang Su-jeong lakah 6-1, 6-4 in a chak lo a, a match lehpekah chuan Emina Bektas a tum leh ang.

Player langsar pahnih an tlak lai hian seeded palina Jessica Pegula erawh a chak, a match hmasa berah world number 74 Viktoria Hruncakova 6-2, 6-4 in a hneh a, second round-ah chuan Nadia Podoroska hnehtu Ashlyn Krueger a tum leh dawn a ni.