Messi a chhuak lo ang - Balague

Spanish football expert Guillem Balague chuan Lionel Messi chu Inter Mimai aṭangin a chhuak dawn lo tih a sawi. Major League Soccer (MLS) season chawlh laiin loan hmangin Barcelona a pan dawn nia sawi chu a takin a thleng dawn lo tihna a ni.

Kum 36 mi Messi hi tun hnai khan Barcelona bakah Saudi Pro League nen sawizawm a ni a, amaherawhchu Inter Miami leh Argentina team bak ngaihtuah a nei lo, hei vang hian club dang tan kawng a inhawng lo.

Balague chuan, "Messi hian thla khat vel chawlh a nei dawn, mahse Saudi leh club dang tan beisei chi a ni lo. Argentina leh Inter Miami bak ngaihtuah a nei lo. MLS season kal lai a zawh chuan nakkum February thlaa season ṭan tur atan a inbuatsaih zawk ang," a ti.

Ballon d'Or vawi sarih dawng tawh Messi hi tunah chuan Argentina tan a feh chhuak mek, hliam damkawr ni mah se world champion tan hian feh chhuah a ṭhulh chuang lo, mahse minute 90 chhung inkhel tur erawhin a la inpeih lo deuhin a rinawm.