First Division ‘Relegation Battle’

ADFA First Division inelnaah round hnih chiah khelh a ngai tawh a, round 8-ah hian a chiang tur ang a chiang thuak dawn. Inelnaah hian team 10 an awm a, a hniam pahnih an relegate ang.

Vawiin chawhma dar 8:00 hian Aizawl FC Academy leh 1st Bn MAP Academy te an inkhel dawn a, point ruk ve ve an hmu mek. A chak lo zawk hi relegate thei dinhmunah an ding dawn. Tualchhung football academy mumal pahniha a ṭha zawk nih hi relegation piah lamah a pawimawh hrim hrim bawk.

Inkhel dangah tla tawh Tanhril FC leh semifinal beiseina la nei Mission Veng te chawhma dar 10:00 hian an inkhel dawn. MSV hian hnehna an chang a nih chuan semifinal beiseina a nung thar ang.

Chutihrualin academy pahnih bakah Ramthar Veng tan semifinal beisei theih a ni tawh lo a, chutihrualin Tanhril hnung zuia relegate thei vek an nih avangin an match khelh hmabak erawh First Division inham tan nan a pawimawh hle.