Last 16-ah Alcarza a tla

Rolex Shanghai Masters khelh laiah Carlos Alcaraz chu Grigor Dimitrov hneh loin last 16-ah a zinkawng a tawp. Dimitrov hian world number 2 hi 5-7, 6-2, 6-4 a hnehin quarterfinal a in vaw kai a ni.

Tun hma an intawn hmasak pathumah chuan Alcaraz hi a chak vek, mahse tun ṭumah erawh a tir aṭangin Bulgarian tlangval a khel ṭha a, set hnihna chu hloh ve bawk mah se a pumpui thlir chuan chak phu zawk a chak.

Kum 32 mi Dimitrov chuan, "A tir aṭangin ka service a fuh em em a, tihsual ka nei tlem hle bawk. Hetiang inkhelah hi chuan mahni service hum theih hi a hlu em em zel, nidang zawng aiin ka khelh ṭhat ṭum ka tawng a ni," tiin a sawi.

Dimitrov hian a match lehpekah chuan Nicolas Jarry a hmachhawn dawn. Last 16 inkhel dangah Jarry hian wildcard hmanga inlan Diego Schwartzmann chu 6-3, 5-7, 6-3 in a lo hneh ve bawk - Jerry tan Masters tournament bika quarterfinal a khelh hmasak ber a ni ang.