Germany team chungchangah Tuchel a lawm lo

Germany national team chuan coach atan Julian Nagelsmann an la thar a, tun international break hian United States-ah USMNT (October 14, Inrinni zan) leh Mexico (October 18, Nilaini zing) nen friendly match an khel dawn.

Bayern Munich manager Thomas Tuchel chuan, "Kei ni ta ila, US-a Mexico hmachhawn hi ka duhin ka ring lo. Thutlukna hi mak ka ti a, siam ṭhat theih a ni tawh lo. US hi a hla a ni ringawt lo a, time zone hran a ni," tiin a lungawi loh thu a sawi.

Euro 2024 hi Germany-ah khelh a nih dawn avangin US-a friendly match neiih daih hi a mak ang reng hle. Bayern Munich hian October 21, Inrinniah match an nei lehnghal dawn a, Tuchel-a lungawi loh chhan hi a pawmawm hle.

Amaherawhchu, DFB-in thutlukna an siam tawh a, Germany inkhel tur hi friendly match chauh ni mah se coach thar Nagelsmann-a hnuaia khel tur an nih avangin ngaihven a hlawh khawp ang.