Williamson-a inlan hun

Vawiin chawhnu dar 2:00 hian New Zealand leh Bangladesh te M. A. Chidambaram Stadium, Chennai-ah an inkhel dawn. Black Caps tan captain Kane Williamson a inlan theih a beiseiawm.

Williamson hi kumin IPL-ah a inhliam a, khup hliam vang hian competitive match a la inlan leh lo. World Cup warm up match-ah a inlan a, fimkhur a la ngaih avangin a khel tluan lo ve ve.

New Zealand hian champion lai England bakah Nertherlands te tun World Cup-ah an hmachhawn tawh a, an hneh ve ve. Captain Williamson hian training a zawm leh tawh a; October 11, Nilaini khan pacer Lockie Ferguson, Matt Henry leh James Neesham bakah spinner te a hmachhawn.

Williamson hian match fitness a la mamawh dawn a, stage sang zawka ṭha zawka a khelh theih nan Bangladesh an hmachhawn hunah hian a inlan a rinawm ta hle.